Derrick Monasterio, ibinahagi ang pinakagustong katangian ni Elle Villanueva
Around GMA
Around GMA
Manila City illuminates its Christmas tree and celebrates with a concert #WilmaPH continues to move slowly east of Borongan City GMA Pinoy TV Supports OFW Empowerment at the 17th PHILSME Business ExpoArticle Inside Page
Showbiz News
Ano ang katangian ni 'Return To Paradise' star Elle Villanueva ang pinakanagustuhan ng onscreen partner niyang si Derrick Monasterio?
Ibinahagi ni Kapuso hunk Derrick Monasterio na nagtutulungan sila ng kanyang onscreen partner na si Elle Villanueva sa kanilang mga eksena sa afternoon drama series na Return To Paradise.
Kung kaya't ang pagiging open sa collaboration ng aktres ang naging pinakagustong katangian ng hunk actor.
“''Yung pagiging open niyang tao. She's really open to collaborating, and we always help each other, especially kapag heavy scenes. At saka binibigay din niya 'yung best niya kaya parang ako, nadadala rin ako,” kuwento ni Derrick sa ekslusibong panayam ng GMANetwork.com.
Ayon pa sa kanya, nakatutulong din daw ang pagiging close nila ni Elle off-cam. Aniya, “Kapag nagsasalita siya minsan, iniisip ko, 'Grabe naman 'yung pinagdadaanan nito.' Tapos naa-affect din ako. 'Yun 'yung pinakanagustuhan ko sa kanya, very open siyang tao and sobrang willing siyang tumulong, makipag-collab.”
Mapa-on-cam o off-cam, ramdam na ramdam ang kilig vibes mula sa dalawa. Sa “Chika Minute” report ni Cata Tibayan, inilahad nina Derrick at Elle ang estado ng kanilang relasyon.
“We just enjoy each other's company and time, and masaya lang kami kapag lumabas kami kasi gusto namin 'yung company ng isa't isa,” ani Derrick.
Dagdag pa ni Elle, “Go with the flow lang. But then, we're not closing doors.”
Mapapanood sina Derrick at Elle bilang Red Ramos at Eden Santa Maria sa Return To Paradise, Lunes hanggang Biyernes, 3:25 p.m., sa GMA Afternoon Prime.
SAMANTALA, SILIPIN ANG SWEETEST MOMENTS NINA DERRICK AT ELLE SA GALLERY NA ITO.
